mujhe pyaar se tirā dekhnā mujhe chhup chhupā ke vo dekhnā
mirā soyā jazba ubhārnā tumheñ yaad ho ki na yaad ho

rah-o-rasm qalb o nigāh ke vo tumhāre daave nibāh ke
vo hamārā sheḳhī baghārnā tumheñ yaad ho ki na yaad ho

vo hamārī chheḌ vo shoḳhiyāñ vo hamārā kāTnā chuTkiyāñ
vo tumhārā kuhnī kā mārnā tumheñ yaad ho ki na yaad ho

kabhī sard aahoñ ke silsile kabhī ThanDī sāñsoñ ke mashġhale
vo hamārī naqleñ utārnā tumheñ yaad ho ki na yaad ho

vo tumhārā shā.er-e-ḳhush-navā jise log kahne lage 'fanā'
vo 'nisār' kah ke pukārnā tumheñ yaad ho ki na yaad ho

mujhe pyar se tera dekhna mujhe chhup chhupa ke wo dekhna
mera soya jazba ubhaarna tumhein yaad ho ki na yaad ho

rah-o-rasm qalb o nigah ke wo tumhaare dawe nibah ke
wo hamara sheKHi baghaarna tumhein yaad ho ki na yaad ho

wo hamari chheD wo shoKHiyan wo hamara kaTna chuTkiyan
wo tumhaara kuhni ka marna tumhein yaad ho ki na yaad ho

kabhi sard aahon ke silsile kabhi ThanDi sanson ke mashghale
wo hamari naqlen utarna tumhein yaad ho ki na yaad ho

wo tumhaara shaer-e-KHush-nawa jise log kahne lage 'fana'
wo 'nisar' kah ke pukarna tumhein yaad ho ki na yaad ho