ġham har ik aañkh ko chhalkā.e zarūrī to nahīñ
abr uThe aur baras jaa.e zarūrī to nahīñ

barq sayyād ke ghar par bhī to gir saktī hai
āshiyānoñ pe hī lahrā.e zarūrī to nahīñ

rāhbar raah musāfir ko dikhā detā hai
vahī manzil pe pahuñch jaa.e zarūrī to nahīñ

nok-e-har-ḳhār ḳhatarnāk to hotī hai magar
sab ke dāman se ulajh jaa.e zarūrī to nahīñ

ġhunche murjhāte haiñ aur shāḳh se gir jaate haiñ
har kalī phuul hī ban jaa.e zarūrī to nahīñ

gham har ek aankh ko chhalkae zaruri to nahin
abr uThe aur baras jae zaruri to nahin

barq sayyaad ke ghar par bhi to gir sakti hai
aashiyanon pe hi lahrae zaruri to nahin

rahbar rah musafir ko dikha deta hai
wahi manzil pe pahunch jae zaruri to nahin

nok-e-har-KHar KHatarnak to hoti hai magar
sab ke daman se ulajh jae zaruri to nahin

ghunche murjhate hain aur shaKH se gir jate hain
har kali phul hi ban jae zaruri to nahin

RECITATIONS Nomaan Shauque



00:00/00:00 gham har ek aankh ko chhalkae zaruri to nahin Nomaan Shauque