Warning: session_start(): open(/tmp/sess_osi96pgo1egvamh82ptuqmnhn0, O_RDWR) failed: No space left on device (28) in /razi/eraazi/darbari/chunmun/index.php on line 15
zaKHm mere dil pe ek aisa laga

Subscribe to our newsletter and get our newest updates

Yaseen Afzal

  • Ghazal


zaKHm mere dil pe ek aisa laga


zaḳhm mere dil pe ik aisā lagā
apnī jaañ kā ruuh ko dhaḌkā lagā

us kā chehra bhī jo auroñ sā lagā
āsmāñ pe chāñd miTTī kā lagā

dekhtā kyā kyā kanār-e-ābjū
ḳhud maiñ apne aap ko ulTā lagā

ḳhud-numā.ī ke bhare ik shahr meñ
apne qad se har koī ūñchā lagā

raushnī dil kī achānak gul huī
ḳhud ko thoḌī der meñ andhā lagā

saa.e meñ us ke talab kī dhuup thī
dhuup meñ vo niim kā saayā lagā

zindagī se haath ham ne dho liye
vaqt ik bahtā huā dariyā lagā

zaKHm mere dil pe ek aisa laga
apni jaan ka ruh ko dhaDka laga

us ka chehra bhi jo auron sa laga
aasman pe chand miTTi ka laga

dekhta kya kya kanar-e-abju
KHud main apne aap ko ulTa laga

KHud-numai ke bhare ek shahr mein
apne qad se har koi uncha laga

raushni dil ki achanak gul hui
KHud ko thoDi der mein andha laga

sae mein us ke talab ki dhup thi
dhup mein wo nim ka saya laga

zindagi se hath hum ne dho liye
waqt ek bahta hua dariya laga


Source: Book : Pani Patthar (Pg. 94) Author : Yasiin Afzaal Publication : Maktaba Fikr-e-Nav (1986) Edition : 1986

Leave a comment

+