mas.aloñ kī bhiiḌ meñ insāñ ko tanhā kar diyā
irtiqā ne zindagī kā zaḳhm gahrā kar diyā

DeḌh neze par Tañge sūraj kī āñkheñ noch lo
be-sabab dahshat-zada māhaul paidā kar diyā

fikr kī lā-markaziyat jāgtī āñkhoñ meñ ḳhvāb
ham-ḳhayālī ne zamāne bhar ko apnā kar diyā

ik shajar ko jism kī nam sabz-gāhoñ kī talāsh
aur is tahrīk ne jañgal ko suunā kar diyā

ḳhuun kī surḳhī safedī kī tarah mahv-e-safar
kuchh na.e rishtoñ ne har rishte ko gañdā kar diyā

ik kiran tasḳhīr-e-kul kī samt thā pahlā qadam
aag ugaltī āñdhiyoñ ne ham ko andhā kar diyā

masalon ki bhiD mein insan ko tanha kar diya
irtiqa ne zindagi ka zaKHm gahra kar diya

DeDh neze par Tange suraj ki aankhen noch lo
be-sabab dahshat-zada mahaul paida kar diya

fikr ki la-markaziyat jagti aankhon mein KHwab
ham-KHayali ne zamane bhar ko apna kar diya

ek shajar ko jism ki nam sabz-gahon ki talash
aur is tahrik ne jangal ko suna kar diya

KHun ki surKHi safedi ki tarah mahw-e-safar
kuchh nae rishton ne har rishte ko ganda kar diya

ek kiran tasKHir-e-kul ki samt tha pahla qadam
aag ugalti aandhiyon ne hum ko andha kar diya

Source: Rooh-e-Ghazal,Pachas Sala Intekhab