zahr par zahr chal nahīñ saktā
saañp bichchhū nigal nahīñ saktā

tajraba laakh kījiye is par
phir bhī patthar pighal nahīñ saktā

bhuul baiThūñgā tujh ko jiite jī
maiñ to itnā badal nahīñ saktā

ġhair kī Taañg khīñch kar bhaa.ī
koī aage nikal nahīñ saktā

us kī marzī agar nahīñ hogī
girne vaalā sambhal nahīñ saktā

noch saktā hai vo hamārā par
azm lekin kuchal nahīñ saktā

zahr par zahr chal nahin sakta
sanp bichchhu nigal nahin sakta

tajraba lakh kijiye is par
phir bhi patthar pighal nahin sakta

bhul baiThunga tujh ko jite ji
main to itna badal nahin sakta

ghair ki Tang khinch kar bhai
koi aage nikal nahin sakta

us ki marzi agar nahin hogi
girne wala sambhal nahin sakta

noch sakta hai wo hamara par
azm lekin kuchal nahin sakta

Source: Book : Handwriting File Mail By Salim Saleem