Subscribe to our newsletter and get our newest updates

Faiz rahil Khan

  • Ghazal


qadam qadam pe khaDi hai hawa payam liye


qadam qadam pe khaḌī hai havā payām liye
ki aa rahī hai ḳhizāñ apnā intizām liye

kisī faqīr kā jis ne na ehtirām kiyā
vo masjidoñ meñ milā mujh ko ehtirām liye

tire azaab meñ mar kar tire darīche se
maiñ jā rahā huuñ mohabbat kā intiqām liye

mujhe galī meñ dukhī hai faqat ziyā ya.anī
chalī ga.ī hai siyāsat duā salām liye

mujhe bhī yaad ke jugnū pukārte haiñ 'faiz'
añdherī raat meñ aksar kisī kā naam liye

qadam qadam pe khaDi hai hawa payam liye
ki aa rahi hai KHizan apna intizam liye

kisi faqir ka jis ne na ehtiram kiya
wo masjidon mein mila mujh ko ehtiram liye

tere azab mein mar kar tere dariche se
main ja raha hun mohabbat ka intiqam liye

mujhe gali mein dukhi hai faqat ziya yani
chali gai hai siyasat dua salam liye

mujhe bhi yaad ke jugnu pukarte hain 'faiz'
andheri raat mein aksar kisi ka nam liye


Leave a comment

+