kabhī kabhī yaad meñ ubharte haiñ naqsh-e-māzī miTe miTe se
vo āzmā.ish dil o nazar kī vo qurbateñ sī vo fāsle se

kabhī kabhī aarzū ke sahrā meñ aa ke rukte haiñ qāfile se
vo saarī bāteñ lagāv kī sī vo saare unvāñ visāl ke se

nigāh o dil ko qarār kaisā nashāt o ġham meñ kamī kahāñ kī
vo jab mile haiñ to un se har baar kī hai ulfat na.e sire se

bahut girāñ hai ye aish-e-tanhā kahīñ subuk-tar kahīñ gavārā
vo dard-e-pinhāñ ki saarī duniyā rafīq thī jis ke vāste se

tumhīñ kaho rind o mohtasib meñ hai aaj shab kaun farq aisā
ye aa ke baiThe haiñ mai-kade meñ vo uTh ke aa.e haiñ mai-kade se

kabhi kabhi yaad mein ubharte hain naqsh-e-mazi miTe miTe se
wo aazmaish dil o nazar ki wo qurbaten si wo fasle se

kabhi kabhi aarzu ke sahra mein aa ke rukte hain qafile se
wo sari baaten lagaw ki si wo sare unwan visal ke se

nigah o dil ko qarar kaisa nashat o gham mein kami kahan ki
wo jab mile hain to un se har bar ki hai ulfat nae sire se

bahut giran hai ye aish-e-tanha kahin subuk-tar kahin gawara
wo dard-e-pinhan ki sari duniya rafiq thi jis ke waste se

tumhin kaho rind o mohtasib mein hai aaj shab kaun farq aisa
ye aa ke baiThe hain mai-kade mein wo uTh ke aae hain mai-kade se

Videos
This video is playing from YouTube Videos
This video is playing from YouTube Unknown

Source: Book : Nuskha Hai Wafa (Kulliyat-e-Faiz) (Pg. 110) Publication : Educational Publishing House (2009) Edition : 2009