Subscribe to our newsletter and get our newest updates

Faiz Ahmad Faiz

  • Ghazal


na ab raqib na naseh na gham-gusar koi


na ab raqīb na nāseh na ġham-gusār koī
tum āshnā the to thiiñ āshnā.iyāñ kyā kyā

judā the ham to mayassar thiiñ qurbateñ kitnī
baham hue to paḌī haiñ judā.iyāñ kyā kyā

pahuñch ke dar pe tire kitne mo'tabar Thahre
agarche rah meñ huiiñ jag-hañsā.iyāñ kyā kyā

ham aise sāda-diloñ kī niyāz-mandī se
butoñ ne kī haiñ jahāñ meñ ḳhudā.iyāñ kyā kyā

sitam pe ḳhush kabhī lutf-o-karam se ranjīda
sikhā.īñ tum ne hameñ kaj-adā.iyāñ kyā kyā

na ab raqib na naseh na gham-gusar koi
tum aashna the to thin aashnaiyan kya kya

juda the hum to mayassar thin qurbaten kitni
baham hue to paDi hain judaiyan kya kya

pahunch ke dar pe tere kitne mo'tabar Thahre
agarche rah mein huin jag-hansaiyan kya kya

hum aise sada-dilon ki niyaz-mandi se
buton ne ki hain jahan mein KHudaiyan kya kya

sitam pe KHush kabhi lutf-o-karam se ranjida
sikhain tum ne hamein kaj-adaiyan kya kya


Source: Book : Nuskha Hai Wafa (Kulliyat-e-Faiz) (Pg. 537) Publication : Educational Publishing House (2009) Edition : 2009

Leave a comment

+