aa.e kuchh abr kuchh sharāb aa.e
is ke ba.ad aa.e jo azaab aa.e
bām-e-mīnā se māhtāb utre
dast-e-sāqī meñ āftāb aa.e
har rag-e-ḳhūñ meñ phir charāġhāñ ho
sāmne phir vo be-naqāb aa.e
umr ke har varaq pe dil kī nazar
terī mehr-o-vafā ke baab aa.e
kar rahā thā ġham-e-jahāñ kā hisāb
aaj tum yaad be-hisāb aa.e
na ga.ī tere ġham kī sardārī
dil meñ yuuñ roz inqalāb aa.e
jal uThe bazm-e-ġhair ke dar-o-bām
jab bhī ham ḳhānumāñ-ḳharāb aa.e
is tarah apnī ḳhāmushī gūñjī
goyā har samt se javāb aa.e
'faiz' thī raah sar-ba-sar manzil
ham jahāñ pahuñche kāmyāb aa.e
aae kuchh abr kuchh sharab aae
is ke baad aae jo azab aae
baam-e-mina se mahtab utre
dast-e-saqi mein aaftab aae
har rag-e-KHun mein phir charaghan ho
samne phir wo be-naqab aae
umr ke har waraq pe dil ki nazar
teri mehr-o-wafa ke bab aae
kar raha tha gham-e-jahan ka hisab
aaj tum yaad be-hisab aae
na gai tere gham ki sardari
dil mein yun roz inqalab aae
jal uThe bazm-e-ghair ke dar-o-baam
jab bhi hum KHanuman-KHarab aae
is tarah apni KHamushi gunji
goya har samt se jawab aae
'faiz' thi rah sar-ba-sar manzil
hum jahan pahunche kaamyab aae
Videos
This video is playing from YouTube
Videos
This video is playing from YouTube
Vithal Rao
Unknown
Ghulam Ali
Runa Laila
Mehdi Hasan
Unknown
Jagjit Singh
Shakeela Khurasani
Sajjad Husain
RECITATIONS
Mehdi Hasan
Runa Laila
00:00/00:00
aae kuchh abr kuchh sharab aae
Mehdi Hasan
Source: Book : Nuskha Hai Wafa (Pg. 173)
Leave a comment