avval avval ḳhvāb dikhāyā jā.egā
baad meñ ummīdoñ ko toḌā jā.egā

yuuñ to hai ummīd ravā sab se lekin
vaqt-e-hājat sab ko parkhā jā.egā

pyaar meñ ḳhud ko achchhe se barbād karo
hālat bigḌegī to sochā jā.egā

dil kā haal jo ā.īne par aa.egā
phir ā.īna yaksar toḌā jā.egā

marte dam tak qaid rahegā tū 'faisal'
qabr meñ zanjīroñ ko kholā jā.egā

awwal awwal KHwab dikhaya jaega
baad mein ummidon ko toDa jaega

yun to hai ummid rawa sab se lekin
waqt-e-hajat sab ko parkha jaega

pyar mein KHud ko achchhe se barbaad karo
haalat bigDegi to socha jaega

dil ka haal jo aaine par aaega
phir aaina yaksar toDa jaega

marte dam tak qaid rahega tu 'faisal'
qabr mein zanjiron ko khola jaega