Subscribe to our newsletter and get our newest updates

Faisal Fehmi

  • Ghazal


kyun aasman-e-hijr ke tare chale gae


kyuuñ āsmān-e-hijr ke taare chale ga.e
ab kyā huā jo ḳhvāb tumhāre chale ga.e

saaqī ke dar pe aaj baġhāvat ke shor meñ
ham jaam jaam jaam pukāre chale ga.e

rūThā huā hai chāñd bahut āftāb se
aur chāñdnī ko DhūñDne taare chale ga.e

is dast-e-iḳhtiyār meñ ik jaan hī to thī
ham tum pe apnī jaan ko vaare chale ga.e

be-mehr zindagī kā guzārā na ho sakā
ham baar baar ishq meñ haare chale ga.e

kyun aasman-e-hijr ke tare chale gae
ab kya hua jo KHwab tumhaare chale gae

saqi ke dar pe aaj baghawat ke shor mein
hum jam jam jam pukare chale gae

ruTha hua hai chand bahut aaftab se
aur chandni ko DhunDne tare chale gae

is dast-e-iKHtiyar mein ek jaan hi to thi
hum tum pe apni jaan ko ware chale gae

be-mehr zindagi ka guzara na ho saka
hum bar bar ishq mein haare chale gae


Leave a comment

+