tūfāñ kī zad pe apnā safīna jab aa gayā
sāhil ko mauj mauj ko sāhil banā gayā

muñh takte takte thak ga.iiñ hirmāñ-nasībiyāñ
har inqalāb-e-shauq kī himmat baḌhā gayā

zauq-e-nazar kī jur.at bebāk al-amāñ
rañg-e-hayāt ban ke fazāoñ pe chhā gayā

tharrā ke sham-e-anjuman-e-aish bujh ga.ī
nairañg-e-nūr-e-sub.h-o-manzar dikhā gayā

ijz-e-rah-e-niyāz ke qurbān jā.iye
naqsh-e-qadam ko naqsh-e-tamannā banā gayā

itnā karam bhī jabr-e-mohabbat kā kam nahīñ
ghuT ghuT ke marne vāloñ ko jiinā sikhā gayā

sho.ale se kyuuñ lapakte haiñ gulshan se baar baar
'yāqūb' kyā bahār kā mausam phir aa gayā

tufan ki zad pe apna safina jab aa gaya
sahil ko mauj mauj ko sahil bana gaya

munh takte takte thak gain hirman-nasibiyan
har inqalab-e-shauq ki himmat baDha gaya

zauq-e-nazar ki jurat bebak al-aman
rang-e-hayat ban ke fazaon pe chha gaya

tharra ke sham-e-anjuman-e-aish bujh gai
nairang-e-nur-e-subh-o-manzar dikha gaya

ijz-e-rah-e-niyaz ke qurban jaiye
naqsh-e-qadam ko naqsh-e-tamanna bana gaya

itna karam bhi jabr-e-mohabbat ka kam nahin
ghuT ghuT ke marne walon ko jina sikha gaya

shoale se kyun lapakte hain gulshan se bar bar
'yaqub' kya bahaar ka mausam phir aa gaya

Source: Sang-e-meel