Subscribe to our newsletter and get our newest updates

Yaqoob Usmani

  • Ghazal


tazad achchha nahin tarz-e-bayan ka hum zabanon mein


tazād achchhā nahīñ tarz-e-bayāñ kā ham zabānoñ meñ
haqīqat ko chhupātā jā rahā huuñ dāstānoñ meñ

sabhī to aaj bargashta haiñ azmat-soz pastī se
machā rakkhī hai ik halchal zamīñ ne āsmānoñ meñ

samajhtā huuñ maiñ be-mafhum sī āvāz shikve ko
musībat ḳhud madad kartī hai aa kar imtihānoñ meñ

mirā ā.īna-e-ehsās hairāñ ho nahīñ saktā
yaqīñ kā nuur paidā kar hī letā hai gumānoñ meñ

banā rakhā hai bad-tar az qafas ḳhauf-e-asīrī ne
sivā tinkoñ ke ab kyā rah gayā hai āshiyānoñ meñ

nayā ik ma.abad-e-ummīd bhī ta.amīr karnā hai
anādil mo.atakif kab tak raheñgī gulistānoñ meñ

mirī nairañgiyāñ chhāne lagī haiñ rañg-e-mahfil par
bahut kuchh farq 'yāqūb' aa chalā hai dāstānoñ meñ

tazad achchha nahin tarz-e-bayan ka hum zabanon mein
haqiqat ko chhupata ja raha hun dastanon mein

sabhi to aaj bargashta hain azmat-soz pasti se
macha rakkhi hai ek halchal zamin ne aasmanon mein

samajhta hun main be-mafhum si aawaz shikwe ko
musibat KHud madad karti hai aa kar imtihanon mein

mera aaina-e-ehsas hairan ho nahin sakta
yaqin ka nur paida kar hi leta hai gumanon mein

bana rakha hai bad-tar az qafas KHauf-e-asiri ne
siwa tinkon ke ab kya rah gaya hai aashiyanon mein

naya ek mabad-e-ummid bhi tamir karna hai
anadil moatakif kab tak rahengi gulistanon mein

meri nairangiyan chhane lagi hain rang-e-mahfil par
bahut kuchh farq 'yaqub' aa chala hai dastanon mein


Source: Sang-e-meel

Leave a comment

+