Subscribe to our newsletter and get our newest updates

Ezaz Afzal

  • Ghazal


jism hi pamal ho jae to sar kya kijiye


jism hī pāmāl ho jaa.e to sar kyā kījiye
jaan to ham ko bhī pyārī hai magar kyā kījiye

dekhte rahiye sahar ke ḳhvāb jhūTe hī sahī
mashġhala ye bhī na ho to raat bhar kyā kījiye

guftugū se rafta rafta ḳhāmushī tak aa ga.e
aur harf-e-mudda.ā ko muḳhtasar kyā kījiye

har nazar turfa tamāshā har qadam manzil na.ī
sair se fursat nahīñ miltī safar kyā kījiye

kaun jaane kitne baazū nazr-e-tūfāñ ho ga.e
phuul phal giniye shumār-e-bāl-o-par kyā kījiye

jazba-e-ābād-kārī lā.eq-e-tahsīñ magar
pattharoñ ke shahr meñ shīshoñ ke ghar kyā kījiye

saḳht-jānī apnī qismat zañg ḳhanjar kā nasīb
kashmakash meñ jaan hai 'afzal' magar kyā kījiye

jism hi pamal ho jae to sar kya kijiye
jaan to hum ko bhi pyari hai magar kya kijiye

dekhte rahiye sahar ke KHwab jhuTe hi sahi
mashghala ye bhi na ho to raat bhar kya kijiye

guftugu se rafta rafta KHamushi tak aa gae
aur harf-e-muddaa ko muKHtasar kya kijiye

har nazar turfa tamasha har qadam manzil nai
sair se fursat nahin milti safar kya kijiye

kaun jaane kitne bazu nazr-e-tufan ho gae
phul phal giniye shumar-e-baal-o-par kya kijiye

jazba-e-abaad-kari laeq-e-tahsin magar
pattharon ke shahr mein shishon ke ghar kya kijiye

saKHt-jaani apni qismat zang KHanjar ka nasib
kashmakash mein jaan hai 'afzal' magar kya kijiye


Source: Rooh-e-Ghazal,Pachas Sala Intekhab

Leave a comment

+