dil haiñ yuuñ muztarib makānoñ meñ
machhliyāñ jaise martabānoñ meñ

dhuup se DhūñDte haiñ rāh-e-farār
log shīshe ke sā.ebānoñ meñ

be-irāda kalām kī ḳhvāhish
be-sabab luknateñ zabānoñ meñ

terī aamad pe jaise lauT aayā
vaqt guzre hue zamānoñ meñ

dil dhaḌaktā hai har sitāre kā
aaj kī raat āsmānoñ meñ

zañg-ālūd ho ga.e jazbī
jam ga.e harf sard-ḳhānoñ meñ

reshmī log DhūñDte haiñ ham
shahr ke āhanī makānoñ meñ

dil hain yun muztarib makanon mein
machhliyan jaise martabanon mein

dhup se DhunDte hain rah-e-farar
log shishe ke saebanon mein

be-irada kalam ki KHwahish
be-sabab luknaten zabanon mein

teri aamad pe jaise lauT aaya
waqt guzre hue zamanon mein

dil dhaDakta hai har sitare ka
aaj ki raat aasmanon mein

zang-alud ho gae jazbi
jam gae harf sard-KHanon mein

reshmi log DhunDte hain hum
shahr ke aahani makanon mein

Source: Book : Mujhe Koi Sham Udhar Do (Pg. 91) Author : Aitabar Sajid Publication : Ilm o Irfan Publishers Lahore (2007,2009) Edition : 2007,2009