Warning: session_start(): open(/tmp/sess_b5vtjjgpcsl0vh2gdch21mrh94, O_RDWR) failed: No space left on device (28) in /razi/eraazi/darbari/chunmun/index.php on line 15
mujhe aisa lutf ata kiya ki jo hijr tha na visal tha

Subscribe to our newsletter and get our newest updates

Etibar Sajid

  • Ghazal


mujhe aisa lutf ata kiya ki jo hijr tha na visal tha


mujhe aisā lutf atā kiyā ki jo hijr thā na visāl thā
mire mausamoñ ke mizāj-dāñ tujhe merā kitnā ḳhayāl thā

kisī aur chehre ko dekh kar tirī shakl zehn meñ aa ga.ī
tirā naam le ke milā use mere hāfize kā ye haal thā

kabhī mausamoñ ke sarāb meñ kabhī bām-o-dar ke azaab meñ
vahāñ umr ham ne guzār dī jahāñ saañs lenā muhāl thā

kabhī tū ne ġhaur nahīñ kiyā ki ye log kaise ujaḌ ga.e
koī 'mīr' jaisā girafta-dil tere sāmne kī misāl thā

tire ba.ad koī nahīñ milā jo ye haal dekh ke pūchhtā
mujhe kis kī aag jalā ga.ī mire dil ko kis kā malāl thā

kahīñ ḳhūn-e-dil se likhā to thā tire sāl-e-hijr kā sāneha
vo adhūrī Diary kho ga.ī vo na-jāne kaun sā saal thā

mujhe aisa lutf ata kiya ki jo hijr tha na visal tha
mere mausamon ke mizaj-dan tujhe mera kitna KHayal tha

kisi aur chehre ko dekh kar teri shakl zehn mein aa gai
tera nam le ke mila use mere hafize ka ye haal tha

kabhi mausamon ke sarab mein kabhi baam-o-dar ke azab mein
wahan umr hum ne guzar di jahan sans lena muhaal tha

kabhi tu ne ghaur nahin kiya ki ye log kaise ujaD gae
koi 'mir' jaisa girafta-dil tere samne ki misal tha

tere baad koi nahin mila jo ye haal dekh ke puchhta
mujhe kis ki aag jala gai mere dil ko kis ka malal tha

kahin KHun-e-dil se likha to tha tere sal-e-hijr ka saneha
wo adhuri Diary kho gai wo na-jaane kaun sa sal tha


Leave a comment

+