Subscribe to our newsletter and get our newest updates

Ejaz Warsi

  • Ghazal


KHun-e-nahaq thi faqat duniya-e-ab-o-gil ki baat


ḳhūn-e-nāhaq thī faqat duniyā-e-āb-o-gil kī baat
ye hai mahshar kyuuñ yahāñ ho dāman-e-qātil kī baat

aaj kyuuñ ashkoñ meñ hai aks-e-tabassum jalva-gar
aa ga.ī kyā apnī had par ġham ke mustaqbil kī baat

har nazar rañgīnī-e-ruḳh tak pahuñch kar rah ga.ī
phuul ab kis se kaheñ gulshan meñ zaḳhm-e-dil kī baat

dekhte hī rah ga.e qānūn-e-qudrat ahl-e-zabt
le uḌī ḳhākistar-e-parvāna jab mahfil kī baat

nāḳhudā ham aur tūfāñ se kareñ fikr-e-farār
ham kabhī karte nahīñ sāhil pe bhī sāhil kī baat

ho na jaa.e phir shu.ūr-e-kārvāñ nazr-e-fareb
chheḌ dī hai rāhbar ne aaj phir manzil kī baat

koī apnā hai na koī hamdam-o-dard-āshnā
ai ḳhudā kis se kahe 'ejāz' apne dil kī baat

KHun-e-nahaq thi faqat duniya-e-ab-o-gil ki baat
ye hai mahshar kyun yahan ho daman-e-qatil ki baat

aaj kyun ashkon mein hai aks-e-tabassum jalwa-gar
aa gai kya apni had par gham ke mustaqbil ki baat

har nazar rangini-e-ruKH tak pahunch kar rah gai
phul ab kis se kahen gulshan mein zaKHm-e-dil ki baat

dekhte hi rah gae qanun-e-qudrat ahl-e-zabt
le uDi KHakistar-e-parwana jab mahfil ki baat

naKHuda hum aur tufan se karen fikr-e-farar
hum kabhi karte nahin sahil pe bhi sahil ki baat

ho na jae phir shuur-e-karwan nazr-e-fareb
chheD di hai rahbar ne aaj phir manzil ki baat

koi apna hai na koi hamdam-o-dard-ashna
ai KHuda kis se kahe 'ejaz' apne dil ki baat


Source: Haft Rang(Bijnor Ke Muqami Shora ka Intikhab-e-kalam)

Leave a comment

+