Subscribe to our newsletter and get our newest updates

Ejaz Asif

  • Ghazal


hun main bhi shoabada koi duniya ke samne


huuñ maiñ bhī sho.abada koī duniyā ke sāmne
hairān ho rahī hai mujhe pā ke sāmne

zarre ne aaj apnī haqīqat ko pā liyā
zarra na sar-nigūñ huā sahrā ke sāmne

uksā rahī hai koī ḳhalish der se mujhe
rakh dil sā phuul ḳhār-e-tamannā ke sāmne

ḳhalvat meñ kar rahā thā gunāhoñ kā e'tirāf
hoñToñ ko vā na kar sakā duniyā ke sāmne

'āsif' tamām marhale āsān ho ga.e
Thahrī na ik chaTān bhī dariyā ke sāmne

hun main bhi shoabada koi duniya ke samne
hairan ho rahi hai mujhe pa ke samne

zarre ne aaj apni haqiqat ko pa liya
zarra na sar-nigun hua sahra ke samne

uksa rahi hai koi KHalish der se mujhe
rakh dil sa phul KHar-e-tamanna ke samne

KHalwat mein kar raha tha gunahon ka e'tiraf
honTon ko wa na kar saka duniya ke samne

'asif' tamam marhale aasan ho gae
Thahri na ek chaTan bhi dariya ke samne


Source: Funoon(Jadeed Ghazal Number: Volume-002)

Leave a comment

+