tanhā.ī kā rog na paal
ghar se bāhar paaoñ nikāl

jin meñ ho zahrīlā-pan
aisī bāteñ hañs kar Taal

shahr meñ vahshī aa.e haiñ
chal jañgal meñ Derā Daal

andar se haiñ bikhre bikhre
aur bāhar se sab ḳhush-hāl

āñkheñ sab kī fikr-zada
kaise bītegā ye saal

'tālib' pyaas bujhe kaise
ek nadī aur sau ghaḌiyāl

tanhai ka rog na pal
ghar se bahar paon nikal

jin mein ho zahrila-pan
aisi baaten hans kar Tal

shahr mein wahshi aae hain
chal jangal mein Dera Dal

andar se hain bikhre bikhre
aur bahar se sab KHush-haal

aankhen sab ki fikr-zada
kaise bitega ye sal

'talib' pyas bujhe kaise
ek nadi aur sau ghaDiyal

Source: Rooh-e-Ghazal,Pachas Sala Intekhab