Subscribe to our newsletter and get our newest updates

Ehtisham Husain

  • Ghazal


un aankhon ko nazar kya aa gaya hai


un āñkhoñ ko nazar kyā aa gayā hai
mizāj-e-ārzū badlā huā hai

na jaane haar hai yā jiit kyā hai
ġhamoñ par muskurānā aa gayā hai

mirī hālat pe un kā muskurānā
javāb-e-nā-murādī aa gayā hai

nahīñ ik maiñ hī nākām-e-mohabbat
yahī pahle bhī aksar ho chukā hai

sabā kī rau na ġhunchoñ kā tabassum
chaman vaalo kaho kyā ho gayā hai

shab-e-ġham sahmī sahmī yaad un kī
andhere meñ diyā sā jal rahā hai

nahīñ miltā surāġh-e-manzil-e-shauq
mohabbat se bhī jī ghabrā gayā hai

un aankhon ko nazar kya aa gaya hai
mizaj-e-arzu badla hua hai

na jaane haar hai ya jit kya hai
ghamon par muskurana aa gaya hai

meri haalat pe un ka muskurana
jawab-e-na-muradi aa gaya hai

nahin ek main hi nakaam-e-mohabbat
yahi pahle bhi aksar ho chuka hai

saba ki rau na ghunchon ka tabassum
chaman walo kaho kya ho gaya hai

shab-e-gham sahmi sahmi yaad un ki
andhere mein diya sa jal raha hai

nahin milta suragh-e-manzil-e-shauq
mohabbat se bhi ji ghabra gaya hai

RECITATIONS Nomaan Shauque



00:00/00:00 un aankhon ko nazar kya aa gaya hai Nomaan Shauque

Leave a comment

+