maiñ avaam meñ huuñ lekin nahīñ ḳhū-e-āmiyāna
na amal ḳhushāmdāna na suḳhan ḳhushāmdāna
tirī aur zindagī hai mirī aur zindagī hai
maiñ bulandiyoñ kā juuyā to asīr-e-āshiyāna
mujhe raas hī na aa.ī kabhī nā-qishoñ kī sohbat
mire jism-e-nā-tavāñ meñ nahīñ rūh-e-tājirāna
mire ḳhizr ke qadam haiñ mujhe mash.al-e-manāzil
mire dīda-e-talab meñ hai nigāh-e-mujrimāna
ġham-o-rañj kā chhupānā bhī hai kār-e-zarf lekin
hai ḳhushī ko zabt karnā rah-o-rasm-e-āqilāna
tirī tamkanat agar hai kisī dūsre ke bal par
ye chalan hai bāġhiyāna ye qadam hai mujrimāna
mujhe ḳhizr-e-nau kī hājat nahīñ rāh-e-bandagī meñ
mire maslak-e-vafā meñ ye ravish hai kāfirāna
main awam mein hun lekin nahin KHu-e-amiyana
na amal KHushamdana na suKHan KHushamdana
teri aur zindagi hai meri aur zindagi hai
main bulandiyon ka juya to asir-e-ashiyana
mujhe ras hi na aai kabhi na-qishon ki sohbat
mere jism-e-na-tawan mein nahin ruh-e-tajirana
mere KHizr ke qadam hain mujhe mashal-e-manazil
mere dida-e-talab mein hai nigah-e-mujrimana
gham-o-ranj ka chhupana bhi hai kar-e-zarf lekin
hai KHushi ko zabt karna rah-o-rasm-e-aqilana
teri tamkanat agar hai kisi dusre ke bal par
ye chalan hai baghiyana ye qadam hai mujrimana
mujhe KHizr-e-nau ki hajat nahin rah-e-bandagi mein
mere maslak-e-wafa mein ye rawish hai kafirana
Source: Book : Ghazaliyat-e-ahsaan Danish (Pg. 207) Author : Shabnam Parveen Publication : Asghar Publishers (2006) Edition : 2006
Leave a comment