Warning: session_start(): open(/tmp/sess_rftg4ajqgq7sqjtvqs992t7202, O_RDWR) failed: No space left on device (28) in /razi/eraazi/darbari/chunmun/index.php on line 15
jab ruKH-e-husn se naqab uTha

Subscribe to our newsletter and get our newest updates

Ehsan Danish

  • Ghazal


jab ruKH-e-husn se naqab uTha


jab ruḳh-e-husn se naqāb uThā
ban ke har zarra āftāb uThā

Duubī jaatī hai zabt kī kashtī
dil meñ tūfān-e-iztirāb uThā

marne vaale fanā bhī parda hai
uTh sake gar to ye hijāb uThā

shāhid-e-mai kī ḳhalvatoñ meñ pahuñch
parda-e-nashsha-e-sharāb uThā

ham to āñkhoñ kā nuur kho baiThe
un ke chehre se kyā naqāb uThā

ālam-e-husn-e-sādgī tauba
ishq khā khā ke pech-o-tāb uThā

hosh naqs-e-ḳhudī hai ai 'ehsān'
lā uThā shīsha-e-sharāb uThā

jab ruKH-e-husn se naqab uTha
ban ke har zarra aaftab uTha

Dubi jati hai zabt ki kashti
dil mein tufan-e-iztirab uTha

marne wale fana bhi parda hai
uTh sake gar to ye hijab uTha

shahid-e-mai ki KHalwaton mein pahunch
parda-e-nashsha-e-sharab uTha

hum to aankhon ka nur kho baiThe
un ke chehre se kya naqab uTha

aalam-e-husn-e-sadgi tauba
ishq kha kha ke pech-o-tab uTha

hosh naqs-e-KHudi hai ai 'ehsan'
la uTha shisha-e-sharab uTha


Leave a comment

+