ārzū-e-visāl kyā matlab
ai dil-e-pur-malāl kyā matlab

TuuT jaa.e to dil kī qadr baḌhe
is qadar dekh-bhāl kyā matlab

be-par-o-bāl tā.eroñ ke liye
dāna-o-dām-o-jāl kyā matlab

naaz thā jin ko zabt par apne
un ke lab par savāl kyā matlab

maslahat-keshiyoñ ke saath ai dost
ġhairat-o-infi.āl kyā matlab

intizār aur us sitamgar kā
hasrat-e-pā.emāl kyā matlab

aa.e aur us kam-āshnā ko 'naresh'
ġham-zadoñ kā ḳhayāl kyā matlab

aarzu-e-visal kya matlab
ai dil-e-pur-malal kya matlab

TuT jae to dil ki qadr baDhe
is qadar dekh-bhaal kya matlab

be-par-o-baal taeron ke liye
dana-o-dam-o-jal kya matlab

naz tha jin ko zabt par apne
un ke lab par sawal kya matlab

maslahat-keshiyon ke sath ai dost
ghairat-o-infial kya matlab

intizar aur us sitamgar ka
hasrat-e-paemal kya matlab

aae aur us kam-ashna ko 'naresh'
gham-zadon ka KHayal kya matlab

Source: