thā sharīk-e-bazm-e-ġham maiñ ham-navāñ koī nahīñ
dard-e-dil ko harf karne kā bayāñ koī nahīñ

thā ḳhalāoñ meñ bhaTaknā tanhā hī jis kā nasīb
thā na chanda sañg apne kahkashāñ koī nahīñ

rañg bhar do yuuñ ki phaile bin dhanak jism-e-ufuq
ḳhvāboñ kī tasvīr se baḌh ke zabāñ koī nahīñ

kitne dīvāroñ meñ kho.e dard-o-ġham ke zalzale
aahoñ se jo Dah gayā aisā makāñ koī nahīñ

mil ke bas vo pal do pal apne hī ghar ko lauTā hai
aa.e jo basne zamīñ par āsmāñ koī nahīñ

dekhtā hai har kalī ko vo bikhartā bār-bār
gul ugānā chhoḌtā par bāġhbāñ koī nahīñ

ḳhaak kar degā ġhubār-e-vaqt terā ye vajūd
jo ruke tere liye vo kārvāñ koī nahīñ

tha sharik-e-bazm-e-gham main ham-nawan koi nahin
dard-e-dil ko harf karne ka bayan koi nahin

tha KHalaon mein bhaTakna tanha hi jis ka nasib
tha na chanda sang apne kahkashan koi nahin

rang bhar do yun ki phaile bin dhanak jism-e-ufuq
KHwabon ki taswir se baDh ke zaban koi nahin

kitne diwaron mein khoe dard-o-gham ke zalzale
aahon se jo Dah gaya aisa makan koi nahin

mil ke bas wo pal do pal apne hi ghar ko lauTa hai
aae jo basne zamin par aasman koi nahin

dekhta hai har kali ko wo bikharta bar-bar
gul ugana chhoDta par baghban koi nahin

KHak kar dega ghubar-e-waqt tera ye wajud
jo ruke tere liye wo karwan koi nahin