Subscribe to our newsletter and get our newest updates

Divakar Rahi

  • Ghazal


zara bhi shor maujon ka nahin hai


zarā bhī shor maujoñ kā nahīñ hai
safīna to koī Duubā nahīñ hai

tumhārā husn kyā hai kyā nahīñ hai
tumheñ ḳhud is kā andāzā nahīñ hai

tirī mahfil kā kis se haal pūchheñ
vahāñ jā kar koī palTā nahīñ hai

ye mai-ḳhāna hai ik jā-e-muqaddas
chale aao yahāñ dhokā nahīñ hai

vo is par ho ga.e haiñ aur barham
ki 'rāhī' ko koī shikvā nahīñ hai

zara bhi shor maujon ka nahin hai
safina to koi Duba nahin hai

tumhaara husn kya hai kya nahin hai
tumhein KHud is ka andaza nahin hai

teri mahfil ka kis se haal puchhen
wahan ja kar koi palTa nahin hai

ye mai-KHana hai ek ja-e-muqaddas
chale aao yahan dhoka nahin hai

wo is par ho gae hain aur barham
ki 'rahi' ko koi shikwa nahin hai


Source: Rooh-e-Ghazal,Pachas Sala Intekhab

Leave a comment

+