sab kuchh bas kahne ko bhūlā jaatā hai
varna zehn se kab vo chehra jaatā hai

yaad barābar aatā rahtā hai vo shaḳhs
nashshoñ kā paisa bhī zaa.e.a jaatā hai

kuchh yuuñ TuuT ke girte haiñ āñkhoñ se ḳhvāb
shīsha bhī hairānī meñ aa jaatā hai

us hañstī tasvīr ko āḳhir kyā ma.alūm
us ko dekh ke kitnā royā jaatā hai

is darja ḳhāmosh rahā huuñ muddat se
yaad nahīñ hai kaise bolā jaatā hai

mujh ko ishq aur duniyā donoñ dekhne haiñ
saanī khīñch bhī luuñ to uulā jaatā hai

sab kuchh bas kahne ko bhula jata hai
warna zehn se kab wo chehra jata hai

yaad barabar aata rahta hai wo shaKHs
nashshon ka paisa bhi zaea jata hai

kuchh yun TuT ke girte hain aankhon se KHwab
shisha bhi hairani mein aa jata hai

us hansti taswir ko aaKHir kya malum
us ko dekh ke kitna roya jata hai

is darja KHamosh raha hun muddat se
yaad nahin hai kaise bola jata hai

mujh ko ishq aur duniya donon dekhne hain
sani khinch bhi lun to ula jata hai