apne jaisoñ se dostī kar lī
zindagī ham ne zindagī kar lī

sau tarīqe the ḳhud-kushī ke magar
ham bhī pāgal the āshiqī kar lī

vaqt aayā to ruuTh bhī baiTheñ
vaqt aayā to baat bhī kar lī

baaġh ke haal kā taqāzā thā
ek paude ne naukrī kar lī

paañv chhū kar buzurgoñ kā ham ne
pal meñ arsoñ kī bandagī kar lī

yaar karnā thā kuchh alag ham ko
leak se haT ke shā.irī kar lī

apne jaison se dosti kar li
zindagi hum ne zindagi kar li

sau tariqe the KHud-kushi ke magar
hum bhi pagal the aashiqi kar li

waqt aaya to ruTh bhi baiThen
waqt aaya to baat bhi kar li

bagh ke haal ka taqaza tha
ek paude ne naukri kar li

panw chhu kar buzurgon ka hum ne
pal mein arson ki bandagi kar li

yar karna tha kuchh alag hum ko
leak se haT ke shairi kar li