Subscribe to our newsletter and get our newest updates

Dinesh Kumar

  • Ghazal


sab ke chehron pe jab KHushi hogi


sab ke chehroñ pe jab ḳhushī hogī
kyā 'dinesh' aisī sub.h bhī hogī

log nikle haiñ jo ye sham.a liye
nirbhayā phir koī luTī hogī

sard mausam meñ be-gharoñ kī dashā
bebasī ḳhud bhī ro rahī hogī

kyā kabhī inqalāb aa.egā
in añdheroñ meñ raushnī hogī

sab ke hoñToñ pe ye savāl hai ab
kab siyāsat ko hathkaḌī hogī

abr barsegā TuuT kar jis din
duur dhartī kī tishnagī hogī

uTh ke zālim ko de javāb 'dinesh'
zulm sahnā to buzdilī hogī

sab ke chehron pe jab KHushi hogi
kya 'dinesh' aisi subh bhi hogi

log nikle hain jo ye shama liye
nirbhaya phir koi luTi hogi

sard mausam mein be-gharon ki dasha
bebasi KHud bhi ro rahi hogi

kya kabhi inqalab aaega
in andheron mein raushni hogi

sab ke honTon pe ye sawal hai ab
kab siyasat ko hathkaDi hogi

abr barsega TuT kar jis din
dur dharti ki tishnagi hogi

uTh ke zalim ko de jawab 'dinesh'
zulm sahna to buzdili hogi


Source: Book : Word File Mail By Salim Saleem

Leave a comment

+