laakh chehre the magar tujh sā kahīñ par bhī na thā
thā na behtar tujh ko kho kar haal bad-tar bhī na thā

itnā kar detā ki tū koī mujhe ilzām de
dī sazā par jurm koī to mire sar bhī na thā

laḌkhaḌā.e pair phir kyuuñ kyuuñ nazar kho sī ga.ī
sirf terī yaad thī hāthoñ meñ sāġhar bhī na thā

ho gayā jitnā ki tanhā dostoñ kī bhiiḌ meñ
dasht-o-vīrāañ meñ akelā ḳhud ko pā kar bhī na thā

sach hai yuuñ to ġham bahut the qaid kar paa.e nahīñ
āsmāñ sar pe khulā thā dil ye be-par bhī na thā

thī na koī aisī manzil jo mujhe āvāz de
mujh ko rakkhe bāñdh kar aisā mirā ghar bhī na thā

lakh chehre the magar tujh sa kahin par bhi na tha
tha na behtar tujh ko kho kar haal bad-tar bhi na tha

itna kar deta ki tu koi mujhe ilzam de
di saza par jurm koi to mere sar bhi na tha

laDkhaDae pair phir kyun kyun nazar kho si gai
sirf teri yaad thi hathon mein saghar bhi na tha

ho gaya jitna ki tanha doston ki bhiD mein
dasht-o-wiraan mein akela KHud ko pa kar bhi na tha

sach hai yun to gham bahut the qaid kar pae nahin
aasman sar pe khula tha dil ye be-par bhi na tha

thi na koi aisi manzil jo mujhe aawaz de
mujh ko rakkhe bandh kar aisa mera ghar bhi na tha