Subscribe to our newsletter and get our newest updates

Dinakshi Sahar

  • Ghazal


hui jo raat pahlu mein KHushi se mar gae hum to


huī jo raat pahlū meñ ḳhushī se mar ga.e ham to
agar tere hī āñgan meñ sahar hotī to kyā hotā

guzar to yuuñ bhī jā.egī kaḌaktī dhuup meñ tanhā
tire dāman ke saa.e meñ basar hotī to kyā hotā

hazāroñ rāste vā the magar tujh tak jo pahuñchātī
kahīñ vo ek chhoTī sī Dagar hotī to kyā hotā

tirī is sard-mehrī meñ kasak sī bhī numāyāñ hai
ḳhudāyā ye navāzish bhī na gar hotī to kyā hotā

tirī sab dāstānoñ meñ mire qisse likhe hote
duā vo ek merī bā-asar hotī to kyā hotā

bahut hī pur-sukūñ nikle tire āġhosh se phir ham
ki ye āsūdgī āThoñ pahar hotī to kyā hotā

hui jo raat pahlu mein KHushi se mar gae hum to
agar tere hi aangan mein sahar hoti to kya hota

guzar to yun bhi jaegi kaDakti dhup mein tanha
tere daman ke sae mein basar hoti to kya hota

hazaron raste wa the magar tujh tak jo pahunchati
kahin wo ek chhoTi si Dagar hoti to kya hota

teri is sard-mehri mein kasak si bhi numayan hai
KHudaya ye nawazish bhi na gar hoti to kya hota

teri sab dastanon mein mere qisse likhe hote
dua wo ek meri ba-asar hoti to kya hota

bahut hi pur-sukun nikle tere aaghosh se phir hum
ki ye aasudgi aaThon pahar hoti to kya hota


Leave a comment

+