vaañ naqāb uTThī ki sub.h-e-hashr kā manzar khulā
yā kisī ke husn-e-ālam-tāb kā daftar khulā

ġhaib se pichhle pahar aatī hai kānoñ meñ sadā
uTTho uTTho rahmat-e-rabb-e-ulā kā dar khulā

aañkh jhapkī thī tasavvur bañdh chukā thā yaar kā
chauñkte hī hasrat-e-dīdār kā daftar khulā

kū-e-jānāñ kā samāñ āñkhoñ ke aage phir gayā
sub.h-e-jannat kā jo apne sāmne manzar khulā

rañg badlā phir havā kā mai-kashoñ ke din phire
phir chalī bād-e-sabā phir mai-kade kā dar khulā

aa rahī hai saaf bū-e-sumbul-e-bāġh-e-jināñ
gesū-e-mahbūb shāyad merī mayyat par khulā

chār-dīvār-e-anāsir phāñd kar pahuñche kahāñ
aaj apnā zor-e-vahshat arsh-e-āzam par khulā

chup lagī mujh ko gunāh-e-ishq sābit ho gayā
rañg chehre kā uḌā rāz-e-dil-e-muztar khulā

ashk-e-ḳhūñ se zard chehre par hai kyā turfa bahār
dekhiye rañg-e-junūñ kaisā mire muñh par khulā

ḳhanjar-e-qātil se jannat kī havā aane lagī
aur bahār-e-zaḳhm se firdaus kā manzar khulā

nīm-jāñ chhoḌā tirī talvār ne achchhā kiyā
eḌiyāñ bismil ne ragḌīñ sabr kā jauhar khulā

sohbat-e-vā.iz meñ bhī añgḌā.iyāñ aane lagīñ
raaz apnī mai-kashī kā kyā kaheñ kyūñkar khulā

haath uljhā hai garebāñ meñ to ghabrāo na 'yās'
beḌiyāñ kyūñkar kaTīñ zindāñ kā dar kyūñkar khulā

wan naqab uTThi ki subh-e-hashr ka manzar khula
ya kisi ke husn-e-alam-tab ka daftar khula

ghaib se pichhle pahar aati hai kanon mein sada
uTTho uTTho rahmat-e-rabb-e-ula ka dar khula

aankh jhapki thi tasawwur bandh chuka tha yar ka
chaunkte hi hasrat-e-didar ka daftar khula

ku-e-jaanan ka saman aankhon ke aage phir gaya
subh-e-jannat ka jo apne samne manzar khula

rang badla phir hawa ka mai-kashon ke din phire
phir chali baad-e-saba phir mai-kade ka dar khula

aa rahi hai saf bu-e-sumbul-e-bagh-e-jinan
gesu-e-mahbub shayad meri mayyat par khula

chaar-diwar-e-anasir phand kar pahunche kahan
aaj apna zor-e-wahshat arsh-e-azam par khula

chup lagi mujh ko gunah-e-ishq sabit ho gaya
rang chehre ka uDa raaz-e-dil-e-muztar khula

ashk-e-KHun se zard chehre par hai kya turfa bahaar
dekhiye rang-e-junun kaisa mere munh par khula

KHanjar-e-qatil se jannat ki hawa aane lagi
aur bahaar-e-zaKHm se firdaus ka manzar khula

nim-jaan chhoDa teri talwar ne achchha kiya
eDiyan bismil ne ragDin sabr ka jauhar khula

sohbat-e-waiz mein bhi angDaiyan aane lagin
raaz apni mai-kashi ka kya kahen kyunkar khula

hath uljha hai gareban mein to ghabrao na 'yas'
beDiyan kyunkar kaTin zindan ka dar kyunkar khula

RECITATIONS Fasih Akmal



00:00/00:00 wan naqab uTThi ki subh-e-hashr ka manzar khula Fasih Akmal