Subscribe to our newsletter and get our newest updates

Dilshad Naseem

  • Ghazal


in aandhiyon ke sath kai ghonsle gae


in āñdhiyoñ ke saath ka.ī ghoñsle ga.e
tum kyā ga.e ki mere to sab hausle ga.e

ik ḳhvāb maiñ ne dekhā thā pichhle pahar koī
agle pahar kī niiñd ke lo silsile ga.e

ik chāñd āsmān pe ik mere sāmne
in qurbatoñ meñ dil ke sabhī fāsle ga.e

haiñ hichkiyāñ bhī ġham kī aur aaheñ haiñ aañsū bhī
dekho ġharīb-e-shahr ki sab qāfile ga.e

in aandhiyon ke sath kai ghonsle gae
tum kya gae ki mere to sab hausle gae

ek KHwab main ne dekha tha pichhle pahar koi
agle pahar ki nind ke lo silsile gae

ek chand aasman pe ek mere samne
in qurbaton mein dil ke sabhi fasle gae

hain hichkiyan bhi gham ki aur aahen hain aansu bhi
dekho gharib-e-shahr ki sab qafile gae


Leave a comment

+