ai mirī jān-e-ārzū māne-e-iltifāt kyā
hogā na vaqf-e-dil kabhī kaif-e-tabassumāt kyā

mast-e-nazar agar nahīñ sāġhar-e-dil meñ bāda-rez
bazm-e-navāzishāt kyā daur-e-tavajjohāt kyā

kab se haiñ riñd muntazir chashm-e-karam pe hai nazar
shoḳh nigāh ke liye vaj.h-e-takallufāt kyā

DhūñDtī phirtī hai nazar shāhid-e-bazm-e-nāz ko
us ko magar ḳhabar nahīñ kaif-e-tasavvurāt kyā

husn-e-talab ye hai ki tū us se usī ko maañg le
us ke sivā hayāt kyā maqsad-e-kā.enāt kyā

apne hī dil kī bazm meñ us kā jamāl dekhiye
dīda-e-shauq ke liye aur harīm-e-zāt kyā

shauq-o-talab se 'tāj' ab ālam-e-iztirāb hai
ek zarā se dil meñ ye shorish-e-kā.enāt kyā

ai meri jaan-e-arzu mane-e-iltifat kya
hoga na waqf-e-dil kabhi kaif-e-tabassumat kya

mast-e-nazar agar nahin saghar-e-dil mein baada-rez
bazm-e-nawazishat kya daur-e-tawajjohat kya

kab se hain rind muntazir chashm-e-karam pe hai nazar
shoKH nigah ke liye wajh-e-takallufat kya

DhunDti phirti hai nazar shahid-e-bazm-e-naz ko
us ko magar KHabar nahin kaif-e-tasawwuraat kya

husn-e-talab ye hai ki tu us se usi ko mang le
us ke siwa hayat kya maqsad-e-kaenat kya

apne hi dil ki bazm mein us ka jamal dekhiye
dida-e-shauq ke liye aur harim-e-zat kya

shauq-o-talab se 'taj' ab aalam-e-iztirab hai
ek zara se dil mein ye shorish-e-kaenat kya