Subscribe to our newsletter and get our newest updates

Dilawar Ali Aazar

  • Ghazal


bojh uThae hue din raat kahan tak jata


bojh uThā.e hue din raat kahāñ tak jaatā
zindagānī meñ tire saath kahāñ tak jaatā

muḳhtasar ye ki maiñ bosa bhī ġhanīmat samjhā
yuuñ bhī daurān-e-mulāqāt kahāñ tak jaatā

sub.h hote hī sabhī ghar ko ravāna hoñge
qissa-e-daur-e-ḳharābāt kahāñ tak jaatā

thak gayā thā maiñ tire naam ko japte japte
le ke hoñToñ pe yahī baat kahāñ tak jaatā

chāñd taare to mire bas meñ nahīñ haiñ 'āzar'
phuul laayā huuñ mirā haath kahāñ tak jaatā

bojh uThae hue din raat kahan tak jata
zindagani mein tere sath kahan tak jata

muKHtasar ye ki main bosa bhi ghanimat samjha
yun bhi dauran-e-mulaqat kahan tak jata

subh hote hi sabhi ghar ko rawana honge
qissa-e-daur-e-KHarabaat kahan tak jata

thak gaya tha main tere nam ko japte japte
le ke honTon pe yahi baat kahan tak jata

chand tare to mere bas mein nahin hain 'azar'
phul laya hun mera hath kahan tak jata


Leave a comment

+