husn ne maan liyā qābil-e-tāzīr mujhe
nazar aa.ī hai mohabbat kī ye taqsīr mujhe

kyuuñ na ho bāda-e-sar-josh kī tauqīr mujhe
mil ga.ī pīr-e-ḳharābāt se tahrīr mujhe

jalva-e-husn ke mafhūm pe jab ġhaur kiyā
ek dhundlī sī nazar aa.ī hai tasvīr mujhe

ab mirī vahshat-e-rusvā kā ajab aalam hai
kar diyā aap ne vābasta-e-zanjīr mujhe

be-takalluf ruḳh-e-zebā se uThā.e vo naqāb
husn ḳhud pā.egā ek paikar-e-tasvīr mujhe

zindagī ik na.e aalam meñ nazar aatī hai
le chalī aaj kahāñ gardish-e-taqdīr mujhe

khich ga.ī dil-kashī-e-husn marī nazroñ meñ
jī bahalne ko milī aap kī tasvīr mujhe

zulf-e-shab-gūñ ruḳh-e-anvar kī satā.ish ko sivā
koī mazmūn na milā qābil-e-tahrīr mujhe

husn-e-dilkash ke talavvun pe nazar jab pahuñchī
na rahā phir gila-e-gardish-e-taqdīr mujhe

husn ne man liya qabil-e-tazir mujhe
nazar aai hai mohabbat ki ye taqsir mujhe

kyun na ho baada-e-sar-josh ki tauqir mujhe
mil gai pir-e-KHarabaat se tahrir mujhe

jalwa-e-husn ke mafhum pe jab ghaur kiya
ek dhundli si nazar aai hai taswir mujhe

ab meri wahshat-e-ruswa ka ajab aalam hai
kar diya aap ne wabasta-e-zanjir mujhe

be-takalluf ruKH-e-zeba se uThae wo naqab
husn KHud paega ek paikar-e-taswir mujhe

zindagi ek nae aalam mein nazar aati hai
le chali aaj kahan gardish-e-taqdir mujhe

khich gai dil-kashi-e-husn mari nazron mein
ji bahalne ko mili aap ki taswir mujhe

zulf-e-shab-gun ruKH-e-anwar ki sataish ko siwa
koi mazmun na mila qabil-e-tahrir mujhe

husn-e-dilkash ke talawwun pe nazar jab pahunchi
na raha phir gila-e-gardish-e-taqdir mujhe

Source: Book : Nuqush 83, 84 (Pg. 96 (e) 99) Author : Mohammad Tufail Publication : Idara Farogh-e-Urdu Lahauri (August 1960) Edition : August 1960