saare nuqūsh jis pe tire āshiyāñ ke haiñ
dair-o-haram ġhubār usī kārvāñ ke haiñ

vādi-e-kohsār-o-bayābāñ-o-gulistāñ
ajzā-e-rañg-rañg mirī dāstāñ ke haiñ

har chand kū-e-yār bahut fāsle pe hai
badle hue abhī se mizāj āsmāñ ke haiñ

hamdam hañsī uḌā na dil-e-dāġh-dāġh kī
tohfe diye hue ye kisī mehrbāñ ke haiñ

hoñ zehn ke darīche agar vā to dekh le
parvarda sab yaqīñ mire husn-e-gumāñ ke haiñ

kyā dushmanoñ kī kījiye ai 'dil' shikāyateñ
maare hue to ham karam-e-dostāñ ke haiñ

sare nuqush jis pe tere aashiyan ke hain
dair-o-haram ghubar usi karwan ke hain

wadi-e-kohsar-o-bayaban-o-gulistan
ajza-e-rang-rang meri dastan ke hain

har chand ku-e-yar bahut fasle pe hai
badle hue abhi se mizaj aasman ke hain

hamdam hansi uDa na dil-e-dagh-dagh ki
tohfe diye hue ye kisi mehrban ke hain

hon zehn ke dariche agar wa to dekh le
parwarda sab yaqin mere husn-e-guman ke hain

kya dushmanon ki kijiye ai 'dil' shikayaten
mare hue to hum karam-e-dostan ke hain