kisī qalam se kisī kī zabāñ se chaltā huuñ
maiñ tiir kis kā huuñ kis kī kamāñ se chaltā huuñ

maiñ thak gayā huuñ Thahar kar kisī samundar sā
bā-rañg-e-abr tire āstāñ se chaltā huuñ

tū chhoḌ degā adhūrā mujhe kahānī meñ
isī liye maiñ tirī dāstāñ se chaltā huuñ

jo mere siine ke baa.eñ taraf dhaḌaktā hai
usī ke naqsh-e-qadam par vahāñ se chaltā huuñ

agarche chāho to logoñ ko beach le aanā
maiñ aaj apne tire darmiyāñ se chaltā huuñ

kisi qalam se kisi ki zaban se chalta hun
main tir kis ka hun kis ki kaman se chalta hun

main thak gaya hun Thahar kar kisi samundar sa
ba-rang-e-abr tere aastan se chalta hun

tu chhoD dega adhura mujhe kahani mein
isi liye main teri dastan se chalta hun

jo mere sine ke baen taraf dhaDakta hai
usi ke naqsh-e-qadam par wahan se chalta hun

agarche chaho to logon ko beach le aana
main aaj apne tere darmiyan se chalta hun