zindagī mo'atabar talāshe hai
vo khañDar meñ guhar talāshe hai

dekh vo uubne lagā mujh se
aur koī safar talāshe hai

daaġh ko de gayā mirī sūrat
sūrat-e-nau shajar talāshe hai

ek maiñ pā ke bech aayā huuñ
ek tū dar-ba-dar talāshe hai

'dīp' jaise ka.ī luTe us se
vo abhī nāmvar talāshe hai

zindagi mo'atabar talashe hai
wo khanDar mein guhar talashe hai

dekh wo ubne laga mujh se
aur koi safar talashe hai

dagh ko de gaya meri surat
surat-e-nau shajar talashe hai

ek main pa ke bech aaya hun
ek tu dar-ba-dar talashe hai

'dip' jaise kai luTe us se
wo abhi namwar talashe hai