vasl kī un butoñ se aas nahīñ
ki Tike dakshinā ko paas nahīñ

imtihān-e-vafā pe karb-e-firāq
paas haiñ haa.e aur paas nahīñ

nafs ko maar kar mile jannat
ye sazā qābil-e-qayās nahīñ

dam meñ ye aanā aur jaanā kyā
aap insāñ haiñ kuchh havās nahīñ

ḳhauf-e-vīrāñ huā hai ḳhāna-e-dil
aas kaisī ki yaañ to yaas nahīñ

ka.abe meñ jā ke kyā kareñ zāhid
vaañ kī āb-o-havā hī raas nahīñ

shā.irī hai mirī ki sehr-e-halāl
bhalā kah deñ to haq-shanās nahīñ

pā.ūñ kis se mazāq-e-sher kī daad
aaj 'faizī'-o-'kālīdās- nahīñ

jām-e-ḳhurshīd meñ hai āb-e-hayāt
rām-rañgī kā ye gilās nahīñ

'kaifī' aur jām-e-bāda se inkār
tum ko kuchh naam kā bhī paas nahīñ

wasl ki un buton se aas nahin
ki Tike dakshina ko pas nahin

imtihan-e-wafa pe karb-e-firaq
pas hain hae aur pas nahin

nafs ko mar kar mile jannat
ye saza qabil-e-qayas nahin

dam mein ye aana aur jaana kya
aap insan hain kuchh hawas nahin

KHauf-e-viran hua hai KHana-e-dil
aas kaisi ki yan to yas nahin

kabe mein ja ke kya karen zahid
wan ki aab-o-hawa hi ras nahin

shairi hai meri ki sehr-e-halal
bhala kah den to haq-shanas nahin

paun kis se mazaq-e-sher ki dad
aaj 'faizi'-o-'kalidas- nahin

jam-e-KHurshid mein hai aab-e-hayat
ram-rangi ka ye gilas nahin

'kaifi' aur jam-e-baada se inkar
tum ko kuchh nam ka bhi pas nahin

Source: Waridat