Subscribe to our newsletter and get our newest updates

Darshan Singh

  • Ghazal


aaj dil se dua kare koi


aaj dil se duā kare koī
haqq-e-ulfat adā kare koī

jis tarah dil mirā taḌaptā hai
yuuñ na taḌpe ḳhudā kare koī

jān-o-dil ham ne kar diye qurbāñ
vo na maane to kyā kare koī

dil-e-betāb kī tamannā hai
phir kahūñ maiñ sunā kare koī

mast nazroñ se ḳhud mirā saaqī
phir pilā.iye piyā kare koī

mai-e-irfāñ ke ham bhī haiñ mushtāq
dar-e-mai-ḳhāna vā kare koī

shauq-e-dīdār dil meñ hai 'darshan'
aa bhī jaa.e ḳhudā kare koī

aaj dil se dua kare koi
haqq-e-ulfat ada kare koi

jis tarah dil mera taDapta hai
yun na taDpe KHuda kare koi

jaan-o-dil hum ne kar diye qurban
wo na mane to kya kare koi

dil-e-betab ki tamanna hai
phir kahun main suna kare koi

mast nazron se KHud mera saqi
phir pilaiye piya kare koi

mai-e-irfan ke hum bhi hain mushtaq
dar-e-mai-KHana wa kare koi

shauq-e-didar dil mein hai 'darshan'
aa bhi jae KHuda kare koi


Source: Mata-e-Noor

Leave a comment

+