aag meñ jalte hue dekhā gayā hai
āsmāñ galte hue dekhā gayā hai

ek be-chehra musāfir rañg oḌhe
dhund meñ chalte hue dekhā gayā hai

muTThiyāñ bhar kar use tārīkiyoñ se
shakl par malte hue dekhā gayā hai

ghar meñ bhī huuñ aur mujh ko dasht meñ bhī
dhuup meñ jalte hue dekhā gayā hai

chaudhvīñ ke chāñd meñ us kā sarāpā
sub.h-dam Dhalte hue dekhā gayā hai

aag mein jalte hue dekha gaya hai
aasman galte hue dekha gaya hai

ek be-chehra musafir rang oDhe
dhund mein chalte hue dekha gaya hai

muTThiyan bhar kar use tarikiyon se
shakl par malte hue dekha gaya hai

ghar mein bhi hun aur mujh ko dasht mein bhi
dhup mein jalte hue dekha gaya hai

chaudhwin ke chand mein us ka sarapa
subh-dam Dhalte hue dekha gaya hai