Subscribe to our newsletter and get our newest updates

Danish Ejaz

  • Ghazal


mujrim hun agar mujhko saza kyon nahin dete


mujrim huuñ agar mujh ko sazā kyoñ nahīñ dete
apnā huuñ to phir mujh ko sadā kyoñ nahīñ dete

kuchh aur nahīñ shikva shikāyat hī karo tum
is bujhtī mohabbat ko havā kyoñ nahīñ dete

tum lauT bhī jaao to asar der talak ho
malte hue ye haath dabā kyoñ nahīñ dete

phir dekh ke sāhab jī usī ḳhaas nazar se
ummīd ke ġhunchoñ ko khilā kyoñ nahīñ dete

ik baat hī kahnī hai magar log bahut haiñ
kuchh vaqt mujhe in ke sivā kyoñ nahīñ dete

mujrim hun agar mujh ko saza kyon nahin dete
apna hun to phir mujh ko sada kyon nahin dete

kuchh aur nahin shikwa shikayat hi karo tum
is bujhti mohabbat ko hawa kyon nahin dete

tum lauT bhi jao to asar der talak ho
malte hue ye hath daba kyon nahin dete

phir dekh ke sahab ji usi KHas nazar se
ummid ke ghunchon ko khila kyon nahin dete

ek baat hi kahni hai magar log bahut hain
kuchh waqt mujhe in ke siwa kyon nahin dete


Leave a comment

+