Subscribe to our newsletter and get our newest updates

Danish Aligarhi

  • Ghazal


zindagi kar gai tufan ke hawale mujhko


zindagī kar ga.ī tūfāñ ke havāle mujh ko
ai ajal kashmakash-e-ġham se chhuḌā le mujh ko

kuchh to le kaam taġhāful se vafā ke paikar
ye tirā pyaar kahīñ maar na Daale mujh ko

vaah rī qismat ki kahāñ manzil-e-maqsūd milī
jab maza dene lage paañv ke chhāle mujh ko

āḳhirī vaqt talak saath andheroñ ne diyā
raas aate nahīñ duniyā ke ujāle mujh ko

koī bhī mohsin o rahbar hī nahīñ hai merā
yuuñ to 'dānish' haiñ bahut chāhne vaale mujh ko

zindagi kar gai tufan ke hawale mujh ko
ai ajal kashmakash-e-gham se chhuDa le mujh ko

kuchh to le kaam taghaful se wafa ke paikar
ye tera pyar kahin mar na Dale mujh ko

wah ri qismat ki kahan manzil-e-maqsud mili
jab maza dene lage panw ke chhaale mujh ko

aaKHiri waqt talak sath andheron ne diya
ras aate nahin duniya ke ujale mujh ko

koi bhi mohsin o rahbar hi nahin hai mera
yun to 'danish' hain bahut chahne wale mujh ko


Leave a comment

+