aao husn-e-yār kī bāteñ kareñ
zulf kī ruḳhsār kī bāteñ kareñ

zulf-e-ambar-bār ke qisse sunā.eñ
turra-e-tarrār kī bāteñ kareñ

phuul barsā.eñ bisāt aish par
rose vasl yaar kī bāteñ kareñ

naqd-e-jāñ le kar chaleñ us bazm meñ
misr ke bāzār kī bāteñ kareñ

un ke kūche meñ jo guzrī hai kahīñ
sāya-e-dīvār kī bāteñ kareñ

āḳhirī saa.at shab-e-ruḳhsat kī hai
aao ab to pyaar kī bāteñ kareñ

aao husn-e-yar ki baaten karen
zulf ki ruKHsar ki baaten karen

zulf-e-ambar-bar ke qisse sunaen
turra-e-tarrar ki baaten karen

phul barsaen bisat aish par
rose wasl yar ki baaten karen

naqd-e-jaan le kar chalen us bazm mein
misr ke bazar ki baaten karen

un ke kuche mein jo guzri hai kahin
saya-e-diwar ki baaten karen

aaKHiri saat shab-e-ruKHsat ki hai
aao ab to pyar ki baaten karen

Videos
This video is playing from YouTube Videos
This video is playing from YouTube Naseem Begum

Source: Book : Jadeed Shora-e-Urdu (Pg. 630) Author : Dr. Abdul Wahid Publication : Feroz sons Printers Publishers and Stationers