umūman ham akele baiThte haiñ
vo baiThā hai to chaliye baiThte haiñ

mirī āñkhoñ meñ gunjā.ish to kam hai
par us ke ḳhvāb puure baiThte haiñ

uThīñ nazreñ to nazroñ se gireñge
yahāñ nazroñ pe pahre baiThte haiñ

adab kā farsh hai ye is pe bachche
buzurgoñ ke sahāre baiThte haiñ

vo ḳhud markaz meñ thoḌī baiThtā hai
sab us ke aage pīchhe baiThte haiñ

udāsī se bharosā uTh rahā hai
chalo 'nāsir' ko paḌhne baiThte haiñ

umuman hum akele baiThte hain
wo baiTha hai to chaliye baiThte hain

meri aankhon mein gunjaish to kam hai
par us ke KHwab pure baiThte hain

uThin nazren to nazron se girenge
yahan nazron pe pahre baiThte hain

adab ka farsh hai ye is pe bachche
buzurgon ke sahaare baiThte hain

wo KHud markaz mein thoDi baiThta hai
sab us ke aage pichhe baiThte hain

udasi se bharosa uTh raha hai
chalo 'nasir' ko paDhne baiThte hain