ho na ho ās-pās hai koī
mere jitnā udaas hai koī

sochtā huuñ to aur baḌhtī hai
zindagī hai ki pyaas hai koī

hādisa ek bhī nahīñ guzrā
be-sabab bad-havās hai koī

phir parinde shajar se bichhḌe haiñ
phir se tasvīr-e-yās hai koī

apnī urdu to lok bhāshā hai
is se kyuuñ nā-shanās hai koī

ho na ho aas-pas hai koi
mere jitna udas hai koi

sochta hun to aur baDhti hai
zindagi hai ki pyas hai koi

hadisa ek bhi nahin guzra
be-sabab bad-hawas hai koi

phir parinde shajar se bichhDe hain
phir se taswir-e-yas hai koi

apni urdu to lok bhasha hai
is se kyun na-shanas hai koi