ḳhudī kā nashsha chaḌhā aap meñ rahā na gayā
ḳhudā bane the 'yagānā' magar banā na gayā

payām-e-zer-e-lab aisā ki kuchh sunā na gayā
ishāra paate hī añgḌā.ī lī rahā na gayā

hañsī meñ vāda-e-fardā ko Tālne vaalo
lo dekh lo vahī kal aaj ban ke aa na gayā

gunāh-e-zinda-dilī kahiye yā dil-āzārī
kisī pe hañs liye itnā ki phir hañsā na gayā

pukārtā rahā kis kis ko Dūbne vaalā
ḳhudā the itne magar koī aaḌe aa na gayā

karūñ to kis se karūñ dard-e-nā-rasā kā gila
ki mujh ko le ke dil-e-dost meñ samā na gayā

butoñ ko dekh ke sab ne ḳhudā ko pahchānā
ḳhudā ke ghar to koī banda-e-ḳhudā na gayā

kirshn kā huuñ pujārī alī kā banda huuñ
'yagānā' shān-e-ḳhudā dekh kar rahā na gayā

KHudi ka nashsha chaDha aap mein raha na gaya
KHuda bane the 'yagana' magar bana na gaya

payam-e-zer-e-lab aisa ki kuchh suna na gaya
ishaara pate hi angDai li raha na gaya

hansi mein wada-e-farda ko Talne walo
lo dekh lo wahi kal aaj ban ke aa na gaya

gunah-e-zinda-dili kahiye ya dil-azari
kisi pe hans liye itna ki phir hansa na gaya

pukarta raha kis kis ko Dubne wala
KHuda the itne magar koi aaDe aa na gaya

karun to kis se karun dard-e-na-rasa ka gila
ki mujh ko le ke dil-e-dost mein sama na gaya

buton ko dekh ke sab ne KHuda ko pahchana
KHuda ke ghar to koi banda-e-KHuda na gaya

kirshn ka hun pujari ali ka banda hun
'yagana' shan-e-KHuda dekh kar raha na gaya

Videos
This video is playing from YouTube Videos
This video is playing from YouTube Amanat Ali Khan RECITATIONS Fasih Akmal



00:00/00:00 KHudi ka nashsha chaDha aap mein raha na gaya Fasih Akmal