mirī be-ḳhudī hai vo be-ḳhudī ki ḳhudī kā vahm-o-gumāñ nahīñ
ye surūr-e-sāġhar-e-mai nahīñ ye ḳhumār-e-ḳhvāb-e-girāñ nahīñ

jo zuhūr-e-ālam-e-zāt hai ye faqat hujūm-e-sifāt hai
hai jahāñ kā aur vajūd kyā jo tilism-e-vahm-o-gumāñ nahīñ

ye hayāt ālam-e-ḳhvāb hai na gunāh hai na savāb hai
vahī kufr-o-dīñ meñ ḳharāb hai jise ilm-e-rāz-e-jahāñ nahīñ

na vo ḳhum meñ baade kā josh hai na vo husn jalva-farosh hai
na kisī ko raat kā hosh hai vo sahar ki shab kā gumāñ nahīñ

vo zamīñ pe jin kā thā dabdaba ki buland arsh pe naam thā
unheñ yuuñ falak ne miTā diyā ki mazār tak kā nishāñ nahīñ

meri be-KHudi hai wo be-KHudi ki KHudi ka wahm-o-guman nahin
ye surur-e-saghar-e-mai nahin ye KHumar-e-KHwab-e-giran nahin

jo zuhur-e-alam-e-zat hai ye faqat hujum-e-sifat hai
hai jahan ka aur wajud kya jo tilism-e-wahm-o-guman nahin

ye hayat aalam-e-KHwab hai na gunah hai na sawab hai
wahi kufr-o-din mein KHarab hai jise ilm-e-raaz-e-jahan nahin

na wo KHum mein baade ka josh hai na wo husn jalwa-farosh hai
na kisi ko raat ka hosh hai wo sahar ki shab ka guman nahin

wo zamin pe jin ka tha dabdaba ki buland arsh pe nam tha
unhen yun falak ne miTa diya ki mazar tak ka nishan nahin

Source: Book : Mujalla Dastavez (Pg. 110) Author : Aziz Nabeel Publication : Edarah Dastavez (2013-14) Edition : 2013-14