thā jo kabhī ik shauq-e-fuzūl
ab hai vahī apnā ma.amūl
kaise yaad rahī tujh ko
merī ik chhoTī sī bhuul
ġham bargad kā ghanā daraḳht
ḳhushiyāñ nanhe nanhe phuul
ab dil ko samjhā.e kaun
baat agarche hai ma.aqūl
aañsū ḳhushk hue jab se
āñgan meñ uḌtī hai dhuul
tha jo kabhi ek shauq-e-fuzul
ab hai wahi apna mamul
kaise yaad rahi tujh ko
meri ek chhoTi si bhul
gham bargad ka ghana daraKHt
KHushiyan nanhe nanhe phul
ab dil ko samjhae kaun
baat agarche hai maqul
aansu KHushk hue jab se
aangan mein uDti hai dhul
Leave a comment