tujh ko dekh rahā huuñ maiñ
aur bhalā kyā chāhūñ maiñ

duniyā kī manzil hai vo
jis ko chhoḌ chukā huuñ maiñ

tū jab sāmne hotā hai
aur kahīñ hotā huuñ maiñ

aur kisī ko kyā pā.ūñ
ḳhud khoyā rahtā huuñ maiñ

ḳhatm huiiñ saarī bāteñ
achchhā ab chaltā huuñ maiñ

tujh ko dekh raha hun main
aur bhala kya chahun main

duniya ki manzil hai wo
jis ko chhoD chuka hun main

tu jab samne hota hai
aur kahin hota hun main

aur kisi ko kya paun
KHud khoya rahta hun main

KHatm huin sari baaten
achchha ab chalta hun main